ਜਦ ਵੀ ਕਰੀਏ ਫੋਨ, ਮਸ਼ੀਨਾਂ ਬੋਲਦੀਆਂ।
ਆਓ ਲੈ ਜਾਓ ਲੋਨ, ਮਸ਼ੀਨਾਂ ਬੋਲਦੀਆਂ।
ਬੰਦਾ ਇੱਥੇ ਗੱਲ ਸੁਣੇ ਨਾ ਬੰਦੇ ਦੀ,
ਸੁਣਦਾ ਆਈਫੋਨ, ਮਸ਼ੀਨਾਂ ਬੋਲਦੀਆਂ।
ਸਾਰੇ ਇੱਥੇ ਡਾਲਰ ਪਿੱਛੇ ਭੱਜਦੇ ਨੇ,
ਇਹੋ ਦ੍ਰਿਸ਼ਟੀਕੋਣ, ਮਸ਼ੀਨਾਂ ਬੋਲਦੀਆਂ।
ਅਮੜੀ ਅੰਨ੍ਹੀ ਹੋਈ, ਉਡੀਕੇ ਪੁੱਤਰ ਨੂੰ
ਸੁਣ ਕੇ ਆਵੇ ਰੋਣ, ਮਸ਼ੀਨਾਂ ਬੋਲਦੀਆਂ।
ਜਦ ਤੋਂ ਸੁਣ ਲਈ ਭਾਨ ਖੜਕਦੀ ਡਾਲਰ ਦੀ
ਬਦਲ ਗਈ ਏ ਟੋਨ, ਮਸ਼ੀਨਾਂ ਬੋਲਦੀਆਂ।
ਮੁਲਕ ਬਦਲ ਵੀ ਦੇਖ ਲਿਆ ‘ਬਖ਼ਸ਼ਿੰਦਰ’ ਜੀ,
ਮਸਲੇ ਹੱਲ ਨਾ ਹੋਣ, ਮਸ਼ੀਨਾਂ ਬੋਲਦੀਆਂ।
#
No comments:
Post a Comment